الموت هين والبـلا وش ورا المـوت
عند الحساب يهون سهـم المنايـا....
باكر نموت وتصبـح قبورنـا بيـوت
وعقب القصور بضايقـات الزوايـا...
في جوف الارض وكل من حولك سكوت
وتعاقبـن بالقبـر عــوج الحنـايـا
يا رب يا منجـي نبيـك مـن الحـوت
سترك و عفوك يـوم كشـف الخفايـا
باكر ليا جينـا علـى داعـي المـوت
شيبـان و اطفـال و شبـاب وصبايـا
نمشي وحنـا بيـن باكـي ومبهـوت
ورحنـا لهـا ننقـاد مثـل السبـايـا
يا رب تهدينـي قبـل لحظـة الفـوت
وتغفـر ذنوبـي يـا كريـم العطـايـا
اشكيك ياهـم داخـل الصـدر مكبـوت
وايامـي الـلـي بالخطـايـا مـلايـا
ان لاذ بك من كـان طايـع ومبخـوت
فيمـن يلـوذ المرتـكـب للخطـايـا
يا رب يا قـادر علـى كـل طاغـوت
لا ياقـف اللـي وحـدوا بـك خزايـا
رحماك لا منـا صحينـا مـن المـوت
اليـا وقفنـا عنـد بـابـك عـرايـا
__________________
كفكف دموعك واطوي الغيظ والذلما
لم يخلق الله صدام لينهزما
كفكف دموعك لا زالت كتائبه
تذيق اعدائنا النيران والحمما