الى كل مغترب (هدية متواضعة)

السلام عليكم اخوان
اني متغربة و احس باخوانة بالغربة واكول الهم ان شاء الله نرجع سالمين ومرفوعين الراس كولوا ان شاء الله .
واهديلكم هذه القصيدة المتواظعة وان شاء الله تعجبكم يااخوانة الاعزاء .

اشتاقيت........للعراق

زاد الشوكَ بيه انه اشتاكَيت

ولريحة هلي ببغداد حنيت

وين رحتو بعدكم انه عانيت

وبعيشة الغربة لا ما تهنيت

واويلي من اذكركم اويلي

احس بلوبة روحي اصيحن جيت

والبال دايم بذكركم والله

وعمري بفركاكم ما ارتاحيت

البال بعدكم شارد والكَلب مشتاكَ

وتمنى لو وياكم تلاكيت

شلون ما اتمنى وانتو الغلا
وبعدكم ولف لا ما لكيت
ما ينجرع فراك بغداد واهلها
وبغير بغداد لا مارضيت
وبحسرتي بالغربة انا ظليت
انا عراقي والعراق وطني
وغير الوطن انا جاريت
وناديت باعلى صوتي انا
ارجعلك يالعراق انا ناديت
ومرات اصفن على نفسي
شلون عفت بغداد الحبيبة
وعفت ذكرياتي كلها بالبيت
بعدين اكول الظرف حكمنا
وانه بهيج ظرف مامريت
ومدري للاهل اشتاكَ
مدري لتراب بغداد حنيت
اااخ ياعراق من بعدك انا عانيت
وعلى فركاك اشكد بجيت
وللهم وحده انه صفيت
وببلاد الغرب انا انذليت
وصليت لربي والك دعيت
يفرجها عليك وعلينا
بعالي صوتي انا اصيح
يا ريت ارجعلك انا يا ريت